Renovalan
erreabilitazioak
Nor gara?
RENOVALAN (CONSTRUCCIONES Y REHABILITACIONES DEL UROLA S.L.) birgaitze-lanetan espezializatutako enpresa bat da, 2012an sortua. Uria Corporación Empresarial taldean dago, eraikuntzako adar desberdinetan espezializatuta dauden beste hainbat enpresarekin batera.
Zenbait faktorek bultzatuta, komenigarritzat jo genuen eraikuntza- eta birgaitze-lanak enpresa berri batean zentralizatzea; hain zuzen ere, honako irizpide hauetan oinarritu genuen erabaki hori: birgaitze-lanen merkatuak izandako hedapen azkarra, askotariko konponbideei aurre egin behar izateak dakarren konplexutasuna, eta alor horretan espezializatutako profesionalen zerbitzuak eskuratu beharra.
Gure zerbitzuak
RENOVALANek bere zerbitzuak eskaintzen ditu, dauden eraikinen parkean esku hartzeko eraikuntza-lan mota guztietarako (zerbitzuen katalogoa).
Gure arreta-eremua Gipuzkoa osora zabaltzen da; besteak beste, Bidasoa-Txingudin, Donostialdean, Urola-Kostan… aritu gara lanean.
Gure Profesionalak
Gure profesionalek esperientzia handia dute eraikuntza-lanetako espezialitate-mota horretan. Gainera, gure etengabeko hobekuntzari, prestakuntzari eta esperientziari esker, proposamen alternatiboak eskaintzen ditugu askotariko egoeratarako, betiere oinarrian irizpide berak hartuta: seriotasuna, gardentasuna eta segurtasuna.
Gure langile-taldean badira arkitektoak, arkitekto teknikoak, lanen arduradunak eta ofizialak, guztiak ere bete-betean inplikatuta gure proiektu guztiak zuzen burutzen direla zaintzen.
Laneko eta ingurumeneko araudia
Lanean zorrotz betetzen ditugu lan-arloko lege-eskakizun guztiak; gure langileek etengabe jasotzen dute lan-segurtasuneko prestakuntza, beti eguneratuta egoteko; eta gure obretan beti betetzen dira gure lan-arloak berezkoak dituen lan-osasuneko arauak.
Argi erakutsi dugu ingurumenaren aldeko konpromisoa: prozedura zorrotzak betetzen ditugu hondakinak birziklatzeko, eta hautsaren nahiz zarataren ondorioak ahalik eta gehien murrizten ditugu, bai lanean ari garen eraikinetako bizilagunentzat nahiz inguruko eraikinetako bizilagunentzat, bai kalean dabiltzanentzat ere.
